कोही भन्दा छैन कम, पालिकालाई एकदिन श्रम मार्फत विकास निर्माण गर्दै पञ्चकन्या गाउँपालिका

समाचार

गृहपृष्ठ
समाचार
कोही भन्दा छैन कम, पालिकालाई एकदिन श्रम मार्फत विकास निर्माण गर्दै पञ्चकन्या गाउँपालिका

कोही भन्दा छैन कम, पालिकालाई एकदिन श्रम मार्फत विकास निर्माण गर्दै पञ्चकन्या गाउँपालिका

बुधबार, साउन २३, २०८१ सहकर्मी संवाददाता

नुवाकोट । “कोही भन्दा छैन कम, पालिकालाई एकदिन श्रम” भन्ने मूल नाराको साथ पञ्चकन्या गाउँपालिकाको नीति तथा कार्यक्रम अनुसार आज मिति २०८१ सावन २३ गतेको दिन रोजगार सेवा केन्द्र पञ्चकन्या गाउँपालिकाको आयोजनामा गाउँपालिकाका जनप्रतिनिधि, कर्मचारी लगायत सम्पूर्ण सरोकारवाला ईच्छुक आमजनसमुदायको उपस्थितिमा कुण्डला घलेभञ्ज्याङ सडकको आसपासमा करिब ५००० अम्रिसोको बिरुवा करिब १०० जना जनप्रतिनिधि, कर्मचारी लगायतका सरोकारवाला तथा ईच्छुक आमजनसमुदायको प्रत्यक्ष उपस्थितिमा श्रमदान कार्यक्रम गाउँपालिका अध्यक्ष तेज बहादुर तामाङ्गको अध्यक्षतामा सम्पन्न गरिएको छ ।

कसैको हातमा चादे, कसैको हातमा कोदाली र अम्रिसोको बिरुवाका साथ देखिन्थ्यो । यसको मुख्य उद्देश्य सडकमा गएको पहिरो रोकथामको लागि अम्रिसो रोप्ने कामको साथै हरित सडक निर्माण गर्नु रहेको हो । करिव १ सय जनाको सहभागितामा श्रमदान मार्फत कुण्डला घलेभञ्ज्याङ सडक आसपासमा ५ हजार अम्रिसोको बिरुवा जनश्रमदानबाट रोप्न कार्य गरिएको उपाध्यक्ष विमला के.सी. ले बताउनु भयो ।

गाउँपालिका अध्यक्ष तेज बहादुर तामाङ्गको अगुवाइमा गत सावन ८ गते घ्याङस्वारा पर्यटकीय पार्कमा सयपत्री फूल रोप्ने तथा पार्कमा लगाइएको चिया विरुवाको वरपरका झाडी सफाई तथा गोडमेल गरी संरक्षणको काम श्रमदान मार्फत गरिरहेको थियो । पालिकाको उद्देश्य अनुरुप खाली समयलाई लाई एक दिन श्रम मार्फत सदुपयोग गर्दै पालिकाको कुण्डला घलेभञ्ज्याङ्ग सडक आसपासमा अम्रिसोको बिरुवा रोपेर हरित सडक बनाउने लक्ष्य पालिकाले लिएको जानकारी अध्यक्ष तेज बहादुर तामाङ्ले दिनु भयो । यसरी पालिकालाई एक दिन श्रम मार्फत स्थानीय स्तरमै विकास निर्माणको कामहरु गरी सम्वृद्धि बनाउने उदेश्य पालिकाको रहेको छ ।