रौतहट । रङहरूको पर्व होली आज तराई मधेसका जिल्लाहरुमा हर्षोल्लासका साथ मनाइँदै छ । हिमाली एवम् पहाडी जिल्लाहरुमा होली (फागुपूर्णिमा) मनाइएको भोलिपल्ट तराई मधेशका जिल्लाहरुमा होली मनाउने परम्परा रहेको छ ।
आज नवलपरासी (बर्दघाट सुस्तापूर्व), नवलपरासी (बर्दघाट सुस्तापश्चिम), चितवन, झापा, मोरङ, सुनसरी, सप्तरी, सिराहा, उदयपुर, धनुषा, महोत्तरी, सर्लाही, रौतहट, बारा, पर्सा, रूपन्देही, कपिलवस्तु, दाङ, बाँके, बर्दिया, कैलाली, कञ्चनपुर लगायतका जिल्लाहरुमा होली मनाइँदै छ ।
सबै प्रकारका भेदभावलाई भष्म गरी परस्परमा रङ हाल्दै सबैलाई रसरङ्गले तरङ्गित तुल्याउने होली उल्लास र रङ्गीचङ्गीको पर्वका रूपमा लिने गरिन्छ । असत्यमाथि सत्यको, छलमाथि निश्छलताको र अधर्ममाथि धर्मको विजयको प्रतीक होलीले अनेकतामा एकता कायम गर्दै आएको छ । सामाजिक सद्भाव र उमङ्ग प्रदान गर्न होलीको विशेष भूमिका रहेको छ । पहाडी जिल्लामा होलीको बिहीबार सार्वजनिक बिदा दिइएको भए पनि तराई मधेशका जिल्लामा आज सार्वजनिक बिदा दिइएको छ ।
-1739788603.png)
